CONTOS LOCOS

 Dende o pasado trimestre, un venres ao mes vimos realizando na etapa de Educación Infantil unha actividade que moitos nenos e nenas chaman os "contos locos".

Cada mestra titora da etapa escolle ao longo da semana, de forma sumamente segreda, un conto e imprime a súa portada para colocar nun mural que terá por resultado sei portadas de seis contos diferentes. Cada nena/o coa súa foto, anotarase no conto que máis lle gusta para, despois do patio, desfrutar dun ratiño de lectura, o máis divertido? que será acompañado de novos compis doutros niveis e a sorpresa será... quen lle contará o conto?

Para rematar e deixar pegada da súa asistencia, pegará unha pegatina do conto no seu pasaporte lector, recopilando así todos os contos aos que foi ao longo do curso.